Kryeministri i Kosovës, Albin Kurti, ka folur për herë të parë në detaje mbi arsyet e mosvizitës së tij në Hagë për të takuar ish-krerët e UÇK-së, si Hashim Thaçi, Kadri Veseli, Rexhep Selimi dhe të tjerët.
Duke u intervistuar në RTK, Kurti deklaroi se kishte menduar të vizitonte Hagën, por një pengesë kryesore e kishte ndalur atë.
“Unë e kam menduar vizitën në Hagë dhe kam qenë i interesuar të shkoj, por faktori kryesor që më ka ndalur është fakti që duhej plotësuar shumë dokumente dhe formularë, ku ti nënshkruan në Gjykatën Speciale,” tha Kurti.
Ditë më parë, ish-kreu i OVL-UÇK-së, Hysni Gucati, shprehu zhgënjimin e tij ndaj Kurtit, duke theksuar se kryeministri nuk e kishte vizituar asnjëherë Hagën, ndonëse kishte dërguar përshëndetje për Rexhep Selimin, por jo për të tjerët.|Insajderi
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
