Një zjarr ka shpërthyer të dielën në kompleksin e ETC në Suharekë, ku ka shkaktuar dëme të mëdha materiale.

Egzon Kelmendi-Elkosi, kandidat për deputet nga Aleanca për Ardhmërinë e Kosovës (AAK), ka reaguar duke theksuar rëndësinë e hetimit të shkaqeve dhe mbështetjes për riparimin e dëmeve.

“Zjarri i sotëm në ETC-Suharekë është një ngjarje recidive në kompaninë tonë, e cila dëmton rëndë mundësinë për investime në zhvillim dhe ndërton një imazh të keq për zhvillimin ekonomik të Kosovës,” tha Kelmendi-Elkosi.

Ai ka falënderuar për mbrojtjen e jetës së njerëzve, duke shtuar: “Lajmi i mirë qëndron se nuk kemi pësuar në njerëz, ndërsa dëmet milionëshe do të punojmë fort për t’i rikuperuar.”

Kelmendi-Elkosi ka kërkuar veprime të shpejta nga organet përgjegjëse për zbardhjen e shkaqeve të zjarrit dhe për një reagim institucional të shpejtë.

“Reagimi institucional nuk është mirë të mungojë, minimum me lehtësira tatimore, meqë këtu po plagoset rëndë ekonomia vendore, me ndikim të drejtpërdrejtë edhe tek të punësuarit dhe konsumatorët,” u shpreh Kelmendi-Elkosi.

Ai ka shprehur besimin se, pavarësisht këtyre sfidave, kompania do të arrijë të dalë nga kjo situatë e vështirë. “Do të ja dalim,” përfundoi ai.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!