Kryetari i Komunës së Drenasit, Ramiz Lladrovci, ka shkruar lidhur me vonesat e certifikimit të rezultateve të zgjedhjeve të 9 shkurtit dhe dinamikën e politikave të presidentit amerikan, Donald Trump.

Ai nëpërmjet një shkrimi në ‘Facebook’ ka thënë se nga miqtë e tij republikanë në Amerikë, ka marrë lajme dëshpëruese për Kosovën, shkruan Insajderi.

“Bartësit e përgjegjësive institucionale në Kosovë bëhen sikur nuk e dinë se ka ndryshuar presidenti në Amerikë. Nga miqtë e mi republikanë në Amerikë, ka lajme dëshpëruese përkundër emërimit të disa prej tyre në postet e rëndësishme në administratën Trump”, ka thënë Lladrovci.

“Politika jonë e jashtme po vonon. Ajo nuk po reagon as kur Presidenti Trump po i godet kreatorët e Akuzës kundër UÇK-së, presidentit Thaçi dhe të tjerëve. Për më keq, mungon lobimi ynë në Amerikë, sikur diplomacia jonë po pret çka me marrë së pari nga Amerika e pastaj me pa se çka do të japim”, vijon ai.

Tutje, ai ka komentuar edhe vizitën e Donald Trump Jr në Beograd të Serbisë, duke thënë se epoka Trump është “më e shpejt se logjika ballkanike”.

Lladrovci në fund thotë se Kosova do të ketë shumë probleme me këtë mendësi me SHBA’në. /Insajderi.org/

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!