Presidenti ukrainas, Volodymyr Zelensky, ka zbuluar se Ukraina ka testuar me sukses raketën e saj të re të prodhuar nga vetë shteti ukrainas, ‘Long Neptun’, me rreze veprimi prej përreth një mijë kilometrash.

Rrezja e veprimit të kësaj rakete përfshin brenda vetit edhe kryeqytetin rus, Moskën. Zelensky tha se Kievi ka pasur ‘rezultate të rëndësishme’ në programin e tyre raketor që synon të shtojë sigurinë kundër kërcënimit të Vladimir Putin.

“‘Long Neptun’ është testuar dhe përdorur me sukses në luftime“, tha ai, sipas Daily Mail, përcjell Insajderi.

“Një raketë e re ukrainase, me goditje e saktë. Gama është një mijë kilometra“

“Faleminderit për inxhinierët, prodhuesit dhe ushtrinë tanë ukrainase. Ne vazhdojmë të punojmë për të garantuar sigurinë e Ukrainës“, ka thënë tutje Zelensky.

‘Long Neptun’ me rreze të gjatë veprimi është prodhuar nga prodhuesi Luch Design Bureau.

Arma fillimisht ishte projektuar si një raketë kundër anijeve, por është përshtatur gjatë luftës për të goditur objektivat tokësore, dhe për të goditur në një distancë të gjatë. /Insajderi.org/

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!