Themeluesi i Amazon dhe një nga njerëzit më të pasur në botë, Jeff Bezos dhe e fejuara e tij, Lauren Sanchez, kanë dërguar ftesa për martesën e tyre të shumëpritur, e cila do të zhvillohet këtë verë, pas dy vitesh fejesë.

Sipas mediave të huaja, Bezos planifikon të investojë mbi 450 milionë euro për të organizuar një dasmë spektakolare në brigjet e Italisë, e cila do të zhvillohet në qershor të këtij viti.

Edhe pse më parë kishin qarkulluar thashetheme se çifti do të martohej në Kolorado, Bezos i mohoi këto thashetheme.

Në rrjetin social X, Bezos iu përgjigj një postimi që ndante një artikull të New York Post, i cili citonte një burim të Daily Mail.

“E gjithë kjo histori është një gënjeshtër e plotë dhe asgjë nga këto nuk po ndodh. Thënia e vjetër ‘mos besoni gjithçka që lexoni’ është më e vërtetë se kurrë. Gënjeshtrat mund të udhëtojnë nëpër botë përpara se e vërteta të arrijë tek njerëzit. Kështu që jini të kujdesshëm dhe mos jini naiv”, ka shkruar Jeff.

Të ftuarit do të përfshijnë ata që ishin të pranishëm në ceremoninë e fejesës së tyre të mbajtur në një jaht luksoz në gusht 2023, dhe emra të famshëm si Bill Gates, Leonardo Di Caprio, Kris Jenner, Mbretëresha Rania e Jordanisë dhe shumë të tjerë.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!