Agjencia Qendrore e Prokurimit (AQP) ka nënshkruar kontratë të re për marrjen me qira të veturave për Institucionet e Kosovës. Vlera e kësaj kontrate arrin afro 3.5 milionë euro. Ceket se të gjitha veturat duhet të jenë prodhim 2024, me 00 km. Kjo nuk është hera e parë që shteti shpenzon shuma të mëdha për qira veturash. Në shkurt, AQP nënshkroi një tjetër kontratë për vetura me qira, me vlerë totale mbi 3 milionë euro. Vetëm brenda dy muajve janë shpenzuar nga buxheti i shtetit mbi 6.5 milionë euro për vetura me qira. Insajderi ju sjell detaje!

Gazeta Insajderi

Agjencia Qendrore e Prokurimit para dy ditëve, me 25 mars, ka njoftuar për nënshkrimin e kontratës për “Vetura me qera për nevojat e institucioneve të Kosovës”.

Vlera e parashikuar e këtij tenderi ka qenë 3,533,700.00.

Ndërkohë tenderi është i ndarë në dy lote.

Loti i parë është nënshkruar me çmim prej 1,449,180.00. Ndërsa pjesa e dytë, loti i pestë me çmim prej 2,047,860.00.

Kalkuluar të dy lotet, i bije që çmimi i këtij tenderi të jetë 3,497,040 euro.

Kompania fituese e këtij tenderi afro 3.5 milionë euro është “Auto Mita SH.P.K”.

Në dosjen e tenderit janë përshkruar edhe specifikat e veturave që do të merren me qera.

Për modelin e parë thuhet se vetura duhet të jetë i ri 00km, me prodhim në vitin 2024:

Njëjtë edhe për modelin e pestë. Kërkohet që vetura të jetë i ri 00km, me prodhim në vitin 2024, si dhe duhet të jetë SUV 2X4 ose 4×4:

Në total nga AQP do të merren me qera, 83 vetura për lotin e parë, dhe 93 vetura për lotin e pestë,

Me rekomandimin e dy kontratave sot, numri veturave ka arritur në 256 copë.

Ndërkohë para rreth dy muajve, me 4 shkurt të këtij viti, AQP, kishte dhënë edhe një tender për “Vetura me qera për nevojat e institucioneve të Kosovës”.

Në atë kontratë ishin nënshkruar poashtu vetëm dy lote. Loti 3 dhe Loti 4.

Për lotin 3 shteti kishte paguar 1,107.000 euro. Ndërsa për lotin 4 janë paguar 1,920,000 euro. E që në total i bie që shteti edhe para rreth dy muajve ka paguar 3, 027,000 euro për vetura me qera.

Ndërkohë Lot 1, Lot 2 dhe Lot 5 ishin anuluar në mungesë të ofertave të përgjegjshme.

Kontratat parashikonte furnizimin me qira të 235 veturave për një periudhë 60-mujore, por ishin kontraktuar vetëm 180 vetura.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!