Sot shënohen 26 vjet nga tragjedia që preku familjen Krasniqi në Fushë-Kosovë, një masakër që u krye nga forcat paramilitare serbe, duke lënë pas pesë të vdekur, që tani janë shpallur dëshmorë të vendit.
Më 1 prill 1999, gjatë luftës në Kosovë, u vranë pesë anëtarë të familjes Krasniqi, ndër të cilët ishin edhe doktori Fatmir Krasniqi, e bija e tij 13-vjeçare, Blerta, si dhe vëllai i tij, Arbeni, dhe prindërit Hamit e Vezire Krasniqi.
Tragjedia e familjes nisi kur policët paramilitare serbë rrethuan lagjen dhe, pa asnjë arsye, vranë njerëz të pafajshëm vetëm për shkak se ishin shqiptarë, transmeton Insajderi.
Dafina Krasniqi, doktoresha dhe familjare e viktimave, ka kujtuar me dhimbje këtë masakër, duke thënë se edhe pas më shumë se një shekulli, mungesa e këtyre njerëzve të dashur është e paarsyeshme dhe se dëshmia e tyre nuk mund të fshihet.
“S’ka mjaftuar një shekull i tërë për të shpjeguar mungesën e tyre dhe dëshminë tonë. Dëshmitarët janë ata që e panë atë që ndodhi, e të vërtetës së gjenocidit serb mbi Kosovën“, ka thënë ajo.
Dafina gjithashtu shkroi se asnjë marrëveshje apo gjykatë nuk mund të ndryshojë atë që ndodhi.
“Ne jemi e vërteta, e Kosovës që ka mbijetuar gjenocidit, dhe do t’i mbijetojmë çdo stuhi,” është shprehur ajo me krenari. “Mungesa juaj po na vret; ju tani keni bërë parajsën tuaj.”
Në përkujtim të sakrificës së familjes Krasniqi dhe në nderim të kontributit të tyre për lirinë e Kosovës, Qendra Kryesore e Mjekësisë Familjare në Fushë-Kosovë mban emrin e martirit Dr. Fatmir Krasniqi, një simbol i pavdekshmërisë dhe dashurisë për atdhenë.
Historia e kësaj familje mbetet një testament i gjakut të derdhur për lirinë dhe për një të ardhme të lirë për popullin e Kosovës.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
