Kryeministri në detyrë, Albin Kurti, ka zhvilluar një takim me deputetin e zgjedhur nga komuniteti goran, Adem Hoxha, në kuadër të takimeve konsultative që po realizohen me përfaqësues të komuniteteve joshumicë, për konstituimin e Kuvendit dhe formimin e Qeverisë, shkruan Insajderi.

Zyra e Kryeministrit nuk ka dhënë detaje për të treguar nëse Hoxha ka ofruar mbështetje për krijimin e Qeverisë, por njoftoi se gjatë takimit është përmendur rëndësia e seancës konstituive të Kuvendit, e cila do të zhvillohet më 15 prill.

Kjo seancë është një hap i rëndësishëm në procesin e formimit të institucioneve të legjislaturës së 9-të, dhe u diskutua gjithashtu roli dhe angazhimi i partive politike për të përmbushur vullnetin e qytetarëve, të shprehur në zgjedhjet e 9 shkurtit.

Kurti ka pasur takime të ngjashme edhe me deputetë të tjerë të zgjedhur nga komunitetet joshumicë, megjithatë, ende nuk është konfirmuar nëse të gjithë do ta mbështesin krijimin e qeverisë.

Takimet konsultative janë paralajmëruar të vazhdojnë në ditët në vijim, në përpjekje për të siguruar shumicën e nevojshme për formimin e institucioneve të reja.

15 prilli është caktuar si datë për mbajtjen e seancës konstituive.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!