Ministrja e Drejtësisë në detyrë, Albulena Haxhiu, ka tentuar ta paraqesë si “të paprekur” nga bashkëpunimet me Listën Serbe subjektin të cilin përfaqëson, Lëvizjen Vetëvendosje.

Duke folur sikur të mos e kishte Mimoza Kusarin bashkëpartiake, Haxhiu ka akzuuar opozitën se e krjioi një subjekt politik sikurse Lista Serbe përgjatë dialogut, shkruan Insajderi.

“Kur nuk mësohet nga gabimet atëherë krejt çka mbetet është të çuditurit nga manifestimi i vet veprimeve të gabuara në kohë. Kështu në dialog e krijuan në subjekt të Serbisë në Kosovë si Lista serbe, pastaj u varën pafundësisht nga ky subjekt i Beogradit që e ngrente për hunde bash secilën qeverisje, përveç qeverisë Kurti. Lista Serbe ishte dhe mbetet bombë e kurdisur në vendin tonë”, deklaroi Haxhiu.

“Dhe, kjo opozitë sërish pati mundësinë që sadopak të përmirësonte gabimin. Kishin mundësinë dhe ishte jetike të mos certifikohej për zgjedhje Lista Serbe për aq kohë sa nënkryetarin e kishte organizator dhe prijës së sulmit në Banjskë dhe nuk ishte distancuar kurrë nga ajo ngjarje. Por, e ngritën dorën dhe e certifikuan. Kështu nga gabimi në gabim, pa e kuptuar rëndësinë jetike të veprimit të drejtë, kombëtar e historik”, përfundon shkrimi i saj.

Reagimi i Haxhiut vjen pas deklarimeve të kryeministrit në detyrë, Albin Kurti, i cili tha se deputetët e pakicës po dirigjohen nga Beogradi lidhur me votimin e qeverisë. /Insajderi.org/

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!