Mbrëmjen e së dielës, një ngjarje tragjike ndodhi në provincën e Pordenones, Itali, ku shqiptari Vladimir Topjana u vra në një parking mes dy bizneseve në Fontanafredda, shkruajnë mediat italiane, përcjell Insajderi.

Ngjarja ka ndodhur pranë një lokali ku qytetarët ishin mbledhur për të shikuar ndeshjen Roma-Juventus.

Sipas raporteve të mediave italiane, Topjana ishte në parking duke biseduar me një të afërm, kur një makinë Audi e bardhë u ndal pranë tij.

Dy persona kanë dalë nga vetura dhe situata është përshpejtuar, duke u tensionuar brenda pak minutash.

Edhe pse klientët në lokal tentuan të ndërhynin dhe të qetësonin palët, përleshja ka vazhduar dhe më pas ka ndodhur vrasja e viktimës.

Pas ngjarjes, dorasit janë larguar nga vendi i ngjarjes me veturë, duke shpëtuar nga vendi i krimit. Në vendin e ngjarjes kanë mbërritur menjëherë njësitet e policisë dhe ambulanca, ndërsa familjarët e viktimës kanë arritur pas pak kohe.

Vladimir Topjana, i përshkruar si një njeri i qetë nga ata që e njihnin, ka humbur jetën tragjikisht, dhe hetimet janë ende në zhvillim e sipër për të identifikuar plotësisht autorët e vrasjes.

IN Promo Marketing

Pijet Tona, Shija Juaj!

Udhëto nga Baseli drejt Prishtinës, përfitoni nga ofertat speciale!

Suksesi i radhës për ‘R & Rukolli Group’: Pijet e reja depërtojnë në tregun gjerman