Mbrëmjen e djeshme, Vëllai i Madh i surprizoi katër finalistët e “Big Brother VIP 4”. Në shtëpinë më të famshme në Shqipëri hynë disa nga moderatorët e njohur të Top Channel.
Pasi darkuan të gjithë bashkë, katër banorët e këtij edicioni të katërt të reality show-t u vendosën përballë pyetjeve të tyre.
Moderatorja e njohur e emisionit “Fiks Fare”, Xhemi Shehu, bëri një pyetje për të katër finalistët:
“Nëse nuk do të fitoje ti, kush do doje t’a fitonte?”.
Laerti u përgjigj menjëherë duke thënë emrin e “Rozanës”.
Edhe Egli e kishte përgjigjen gati duke thënë emrin e “Gjestit”.
Ky i fundit tha emrin e “Eglit”.
Ndërkohë Rozana ishte ajo që vendosi që të mos e thoshte direkt emrin për banorin që do donte t’a fitonte nëse nuk e merr ajo çmimin e madh.
“Është njëri që nuk është këtu. Nuk kam nga këta këtu”, u përgjigj fillimisht Rozana.
Kur Xhemi i tha që të thoshte emrin e ish-banorit që ajo po mendonte, këngëtarja i tha që nuk e thotë as këtë.
“Do ta them në post Big Brother”, tha ajo, më pas shtoi: “Po Laerti o Laerti, ai e di”.
“Fitoren ia uroni njëri-tjetrit nga rrugëtimi këtu në Big Brother apo ngaqë jeni takuar dy herë jashtë?”, shtoi Xhemi duke qeshur.
“Jemi përplasur në një supermarket, që aty ia urojmë njëri-tjetrit fitoren”, u përgjigj Rozana.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
