Vetëm një sezon pas transferimit nga Shtutgarti te Borussia Dortmundi për 18 milionë euro, Serhou Guirassy mund të largohet sërish. Sulmuesi 29-vjeçar ka shkëlqyer këtë sezon me 28 gola në 40 paraqitje, duke tërhequr vëmendjen e shumë klubeve të mëdha, veçanërisht në Premier League, shkruan Insajderi.
Në kontratën e tij me verdhezinjtë ekziston një klauzolë lirimi prej 75 milionë euro, e cila mund të aktivohet në çdo moment. Për klubet angleze me fuqi financiare, kjo shifër nuk përbën pengesë.
Aktualisht, më i interesuari për shërbimet e tij duket të jetë Arsenali, i cili po kërkon të forcojë repartin ofensiv për sezonin e ardhshëm.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
