Një incident i rëndë ka ndodhur sot në Banjë të Pejës, ku ish-polic dhe palë në një procedurë civile, ka kërcënuar me armë gjyqtaren, Lirika Sylaj, gjatë seancës gjyqësore.
Sipas zëdhënësit të Prokurorisë së Pejës, Shkodran Nikçi, i dyshuari ka dalë i armatosur me një kallashnikov para gjyqtares së procedurës paraprake dhe e ka kërcënuar drejtpërdrejt, më pas ka ikur dhe është ende në arrati.
Policia e Kosovës ka ndërmarrë menjëherë të gjitha veprimet në koordinim me Prokurorin e Shtetit për identifikimin dhe kapjen e tij. Shtëpia e të dyshuarit është bastisur, por ai nuk është gjetur.
Me urdhër të prokurorit të shtetit, është autorizuar Policia për ta lokalizuar dhe arrestuar të dyshuarin.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
