Ish-konkurrenti i sezonit të dytë të “Për’puthen”, Andi Shehi, është bërë baba për herë të parë! Ai dhe bashkëshortja e tij, Enki, kanë mirëpritur në jetë një djalë të cilit i kanë vendosur një emër sa romantik, aq edhe i veçantë Amor.
Lajmin e bukur e ka ndarë vetë Enki në rrjetet sociale, ku postoi një foto të vogëlushit të sapolindur me mbishkrimin: “Ky është Amor, dashuria më e madhe e mamit dhe babit.”
Por nuk munguan as batutat! Enki, me humor, ka treguar se vogëlushi është “kopje e Andit” dhe se kushdo që do të dijë si duket Amor, thjesht duhet të imagjinojë Andin në version miniaturë!
Çifti simpatik është në një lidhje prej disa vitesh dhe e zyrtarizuan dashurinë e tyre në tetor të vitit të kaluar me një fejesë të thjeshtë, vetëm me rrethin e ngushtë familjar, shkruan Insajderi.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
