FC Barcelona ka siguruar titullin e La Ligës pas një fitoreje 2-0 ndaj rivalëve lokalë, Espanyol, në derbin katalanas të zhvilluar në RCDE Stadium.

Goli i parë u shënua nga talenti i ri Lamine Yamal në minutën e 53-të, me një goditje të bukur nga distanca, shkruan Gazeta Express.

Krejt në minutat shtesë, Fermin Lopez e vulosi fitoren e katalonasve me një gol të bukur.

Kjo fitore e çon Barcelonën në 85 pikë, duke u bërë matematikisht të paarritshëm nga ndjekësit më të afërt, Real Madrid, i cili qëndron në vendin e dytë me 78 pikë, ku kanë mbetur edhe dy xhiro për t’u luajtur.

Lamine Yamal, 17-vjeçari i cili ka qenë spektakolar këtë sezon, vazhdon të impresionojë me paraqitjet e tij. Goli i tij ndaj Espanyolit ishte një tjetër dëshmi e talentit të tij të jashtëzakonshëm dhe një kontribut kyç në suksesin e skuadrës këtë sezon.

Kjo fitore jo vetëm që siguron titullin për Barcelonën, por gjithashtu thekson dominimin e tyre në derbin lokal, duke e bërë këtë sukses edhe më të ëmbël për tifozët blaugrana.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!