Kryeministri i Shqipërisë, Edi Rama, ka pritur me humor homologun e tij britanik, Keir Starmer, në sheshin “Skënderbej” në Tiranë, ku po mbahet Samiti i Komunitetit Politik Evropian.
Në momentin e takimit, Rama nuk i kurseu batutat, duke e lidhur mbërritjen e liderit britanik me motin e keq që kishte përfshirë kryeqytetin.
“Çfarë ju thashë për motin? Është shiu juaj”, i tha Rama – Starmer, duke shkaktuar të qeshura mes të pranishmëve.
Takimi i dy liderëve ndodhi në kuadër të këtij samiti të rëndësishëm evropian, që ka mbledhur mbi 50 liderë nga i gjithë kontinenti për të diskutuar çështje politike, sigurie dhe bashkëpunimi rajonal.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
