Arian Bugari, këshilltar i ministrit në detyrë të Bujqësisë Faton Peci, veçse është rehatuar në një pozitë në staf civil në kuadër të kësaj ministrie.
Në bazë të dokumentit të publikuar nga vetë ministria, ai do të shërbejë si Zyrtar i Lartë për Parandalimin e Hershëm të Sëmundjeve dhe Dëmtuesve të Rrushit, shkruan Insajderi.
Bugari ka arritur t’i marrë 54,8 pikë me shkrim, 25,6 të intervistës me gojë- pikët e përgjithshme janë 80,4.
Kur ishte pyetur ministri në detyrë lidhur me këtë emërim duke iu vënë në pah se është e kundërligjshme, Peci kishte thënë se nuk ishte në dijeni.
“Ai ka mundur me apliku, është e drejt e tij. Ku ka apliku ai? Për besë nuk e di. Ai është një agronom dhe është një mbajtës i familjes. Ai e din që mundet mos me pas një raport kontraktual”, ka thënë Peci, duke theksuar se Bugari ka edhe diplomën në fushën e vreshtarisë. /Insajderi.org/
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
