Përfaqësuesja e Lartë e BE-së, Kaja Kallas, tha se gjatë takimeve që zhvilloi me krerët institucionalë në Serbi ka folur edhe për përafrimin që duhet ta bëjë Serbia me politikën e jashtme të sigurisë me Bashkimin Europian si një vend kandidat.

Kallas tha se këtu përfshihet edhe normalizimi i marrëdhënieve me Kosovën dhe tha se kjo çështje po e pengon Serbinë në këtë drejtim.

“E folëm [temën e përshtatjes së politikës së jashtme] edhe me qeverinë po ashtu dhe sigurisht një nga çështjet që u soll ishte që normalizimi i marrëdhënieve me Kosovën në fakt po pengon përafrimin e politikës së jashtme të përbashkët. Po, nëse e shikon atë pjesë, është për t’u diskutuar, do të thosha. E ngrita këtë çështje dhe definitivisht është diçka që presim nga vendet kandidate”.

Kallas paraprakisht u pyet për takimin e presidentit serb, Aleksandar Vuçiq me presidentin rus, Vladimir Putin, gjatë vizitës së tij në Moskë – një vizitë që u kritikua pikërisht për shpërputhjen e Serbisë me politikën e jashtme të BE-së.

“Veçse e kisha mundësinë të diskutoj vizitën në Moskë në Tiranë me presidentin Vuçiq dhe i shpreha pikëpamjet e mia, të cilat ishin shumë të qartë. Unë vërtet s’e kuptoj pse është e rëndësishme që të qëndrosh krah për krah me personin që po e zhvillon këtë luftë të tmerrshme në Ukrainë dhe presidenti Vuçiq e shpjegoi anën e tij të historisë. Pra, në kishim një diskutim të gjerë për këtë”, tha Kallas.

Kallas tha se linjëzimi i kësaj politike duhet të ndodhë nëse Serbia synon anëtarësimin në BE meqë duhet të punojnë bashkë.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!