Një ngjarje e rrallë dhe e jashtëzakonshme ka ndodhur në qendrën e grave dhe foshnjave të spitalit HSHS St. Vincent në Green Bay, Wisconsin të Shteteve të Bashkuara, ku 14 infermiere janë shtatzënë në të njëjtën kohë.
Lajmi është bërë i ditur nga vetë spitali, duke shpërndarë edhe fotografi të infermiereve të buzëqeshura, të cilat pozonin krenare duke përqafuar barkun e rrumbullakosur.
“Ky është një moment i jashtëzakonshëm me shumë nga infermieret tona që do të bëhen nëna për herë të parë,” deklaroi Amy Bardon, drejtoreshë e qendrës, duke shtuar se ky rast ka sjellë shumë emocione dhe entuziazëm mes stafit.
Ngjarja ka zgjuar reagime të shumta pozitive dhe është bërë virale në rrjetet sociale, duke u cilësuar si “mrekulli kolektive” në një vend ku lindja është pjesë e përditshmërisë profesionale të këtyre grave të përkushtuara.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
