Komuna e Prishtinës ka kryer shkelje serioze në menaxhimin financiar për vitin 2024. Sipas raportit të ZKA-së, në tri raste janë lidhur kontrata pa respektuar procedurat ligjore të prokurimit publik.

Kontrata janë lidhur edhe pa u përmbushur kriteret.

“Në tre raste të ndryshme, Komuna e Prishtinës ka lidhur kontrata pa respektuar procedurat ligjore të prokurimit publik. Në dy prej tyre, fillimisht janë dhënë lejet e ndërtimit, për t’u iniciuar më pas procedurat e prokurimit dhe nënshkrimit të kontratës – një veprim i kundërligjshëm sipas ZKA-së. Auditimi ka zbuluar se Komuna ka nënshkruar kontrata milionëshe edhe në raste kur operatorët ekonomikë nuk i kishin përmbushur kriteret e kërkuara”, thuhet në gjetjet e ZKA-së.

ZKA ka konstatuar se ka pasur manipulime dhe pasaktësi edhe në listat e përfituesve të subvencioneve. Të ardhurat e prindërve janë raportuar në mënyrë të pasaktë, ndërkohë që komisioni përgjegjës për verifikim nuk ka funksionuar fare gjatë kësaj periudhe.

Këtu përmenden edhe parregullësitë në menaxhimin e subvencionit për kopshtin publiko-privat “Botanika” me vlerë prej 58,820 eurove.

Ndonëse këto subvencione ishin paraparë për familjet me të ardhura më pak se 1 mijë euro, 7 prindër kishin vazhduar të paguajnë tarifën e plotë mujore të çerdhes, derisa 4 fëmijë që nuk kishin ndjekur fare kopshtin gjatë vitit 2024 ishin përfshirë në lista dhe kopshti kishte përfituar subvencione për ta.

Ky draft i Raportit të auditimit financiar, është bërë publik nga deputeti i Lëvizjes Vetëvendosje, Ilir Kërqeli. Ndërsa, raporti ende nuk është publikuar në faqen zyrtare të ZKA-së.

Postimi i Kërqelit:

🔴 Subvencione për fëmijë që nuk kanë ndjekur kopshtin
Një nga gjetjet më problematike lidhet me pagesën e subvencioneve për kopshtin publiko-privat “Botanika”, në vlerë prej 58,820 eurosh. Sipas raportit, Komuna nuk i kishte liruar nga pagesa familjet me të ardhura nën 1,000 euro, ndonëse ky ishte kriter i përcaktuar. Për më tepër, u konstatua se kopshti kishte përfituar subvencione edhe për katër fëmijë që nuk kishin ndjekur fare çerdhen gjatë vitit 2024.

🔴 Manipulim me listat e përfituesve të subvencioneve
ZKA ka konstatuar se ka pasur manipulime dhe pasaktësi në listat e përfituesve të subvencioneve. Të ardhurat e prindërve janë raportuar në mënyrë të pasaktë, ndërkohë që komisioni përgjegjës për verifikim nuk ka funksionuar fare gjatë kësaj periudhe.

🔴 Lidhje kontratash jashtë procedurave të prokurimit
Në tre raste të ndryshme, Komuna e Prishtinës ka lidhur kontrata pa respektuar procedurat ligjore të prokurimit publik. Në dy prej tyre, fillimisht janë dhënë lejet e ndërtimit, për t’u iniciuar më pas procedurat e prokurimit dhe nënshkrimit të kontratës – një veprim i kundërligjshëm sipas ZKA-së.

🔴 Pagesa paradhënie në kundërshtim me Ligjin
Më 5 shtator 2024, Komuna kishte nënshkruar marrëveshje me UNDP-në për realizimin e disa projekteve, duke e transferuar paraprakisht një shumë prej 5.12 milionë euro si paradhënie. Sipas ZKA-së, kjo praktikë bie ndesh me Ligjin për Prokurimin Publik dhe Ligjin për Buxhetin, pasi kontraktimi dhe pagesa në këtë formë nuk është e lejuar.

🔴 Kontrata për operatorë që s’plotësonin kriteret
Auditimi ka zbuluar se Komuna ka nënshkruar kontrata milionëshe edhe në raste kur operatorët ekonomikë nuk i kishin përmbushur kriteret e kërkuara. Kjo përfshin projekte si:

• “Art & Technology Hub – Tulltorja” (1,200,000 €),
• “Ndërtimi i rrugëve në lagjen Kodra e Trimave” (598,764 €),
• dhe “Renovime për Qendra të ndryshme Sociale” në disa lagje të qytetit (100,000 €).

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!