Policia e Kosovës ka suspenduar tre zyrtarë policorë në Skenderaj përgjatë së martës, për shkak se të njëjtit s’kishin reaguar kur është sulmuar eskorta e kryeministrit në detyrë, Albin Kurti, nga qytetarët.

Gazeta Insajderi ka marrë vesh nga burime brenda institucioneve të sigurisë se suspendimi ka dalë direkt nga zyra e drejtorisë së përgjithshme të Policisë së Kosovës.

Pra, vendimi është marrë pa rekomandim të Inspektoratit Policor të Kosovës. Megjithatë, ky është “rast i veçantë“, meqë çdoherë IPK’ja rekomandon suspendimin e zyrtarëve policorë në rast të mosrealizimit të detyrave të tyre zyrtare.

Kjo ka lënë dyshime në instrumentalizimin e Policisë së Kosovës nga ana e partisë në pushtet, të cilët gjenden në detyrë tash e disa muaj.

Për rastin në fjalë Gazeta Insajderi ka kontaktuar edhe Inspektoratin Policor të Kosovës (IPK), mirëpo të njëjtit kanë adresuar mediumin për përgjigje tek Policia e Kosovës.

Në komunikatën e policisë për suspendimin e tre zyrtarëve policorë pretendohet se janë koordinuar me IPK’në.

“Sot, me datë 10.06.2025 në ndërlidhje me rastin e Prishjes së Rendit dhe Qetësisë Publike ( PRQP) ndaj eskortës se Kryeministrit gjatë vizitës në Skenderaj, Drejtoria Rajonale e Policisë në Mitrovicë Jug ka ndërmarrë disa veprime dhe në koordinim edhe me Inspektoratin Policor të Kosovës ( IPK) ka marrë vendimin për suspendimin e tre (3) zyrtarëve policor të Stacionit Policor Skenderaj në kohëzgjatje prej 72 orësh“, thuhet në njoftim. /Insajderi.org/

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!