Qeveria në detyrë e Kosovës ka mbajtur një mbledhje elektronike në të cilën ka themeluar Këshillin Organizativ për varrimin e ish-kryeministrit Bujar Bukoshi.

Ky Këshill merr përgjegjësinë të organizojë ceremoninë mortore, që përfshin edhe mbledhjen komemorative që do të mbahet më 12.06.2025.

Homazhe do të mbahen në hollin e Kuvendit të Kosovës, kurse Këshilli do të organizojë edhe bartjen e arkivolit nga FSK për në Kompleksin e Dëshmorëve në Velani.

Familjes Bukoshi iu ndanë 10,000 euro.

Bukoshi ka vdekur të martën, më 10.06.2025, në moshën 78 vjeçare, ndërsa pas luftës ka qenë Deputet dhe Ministër i Shëndetësisë.

Bujar Bukoshi, mjek – urolog, profesor universitar, u lind në Suharekë në vitin 1947. Më 1971 mbaroi Fakultetin e Mjekësisë, në Beograd, ndërsa u specializua dhe u doktorua në Gjermani.

Bukoshi ishte ndër themeluesit e LDK-së dhe Kryeministër i Qeverisë së Kosovës në ekzil nga viti 1991 deri në atë 1999.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!