Eksperti i mbrojtjes Shashank Joshi, redaktor në revistën prestigjioze The Economist, ka deklaruar se hakmarrja iraniane ndaj sulmeve izraelite është “e pashmangshme”.

Në një intervistë për programin “Today” të BBC Radio 4, ai paralajmëroi se pasojat e këtij përshkallëzimi mund të zgjasin për javë të tëra.

Joshi vuri në pikëpyetje pretendimet e Izraelit se Irani po përshpejton aktivitetet e tij të lidhura me armët, duke thënë se këto deklarata “meritojnë një shqyrtim shumë të kujdesshëm”.

Sipas tij, për shumë qytetarë iranianë që janë zgjuar këtë mëngjes, sulmet ajrore të natës nga Izraeli nuk do të perceptohen si një operacion i kufizuar ndaj objekteve bërthamore, por si një përpjekje për të destabilizuar regjimin.

“Jemi në fazën e hershme të fushatës izraelite, e cila pritet të zgjasë disa ditë për të shkaktuar dëme serioze në objektivat iraniane,” tha ai. “Por gjithashtu jemi përpara një hakmarrjeje iraniane që është e pashmangshme.”

Joshi parashikoi një periudhë të gjatë trazirash dhe përshkallëzimi të tensioneve në rajon.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!