Policia në Shqipëri ka zhvilluar operacionin policor “Plazhi i lirë” të mërkurën në Durrës. Ky operacion është zhvilluar me qëllim lirimin e hapësirave publike.

Policia shqiptare ka theksuar se janë liruar dy hapësira në lagjen nr. 1, Durrës, që ishin zënë në mënyrë të paligjshme, me ç’rast janë sekuestruar 182 komplete me çadra dhe shtretër plazhi. Dy persona të dyshuar për rastin po ndiqen penalisht.

“Shërbimet e Komisariatit të Policisë Durrës, në kuadër të plan-operacionit ‘Plazhi i lirë’, kanë vijuar kontrollet përgjatë gjithë vijës bregdetare, me qëllim lirimin e hapësirave publike që zihen pa lejen përkatëse nga subjektet në bregdet, duke vënë çadra dhe shezlongë. Në vijim të veprimeve, u referuan materialet në Prokurori ku nisi procedimi në gjendje të lirë për shtetasit N. D., 36 vjeç dhe R. H., 70 vjeçe, të dy banues në Durrës”, thuhet në njoftim.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!