Selektori i Kosovës, Franco Foda, ka vendosur të qëndrojë në krye të “Dardanëve”, duke refuzuar një ofertë të rëndësishme nga Emiratet e Bashkuara Arabe.
Lajmi është bërë i ditur nga mediat austriake, ndërsa vetë trajneri ka konfirmuar vazhdimin e angazhimit me ekipin përfaqësues të Kosovës.
Në një deklaratë për gazetën austriake “Krone”, Foda është cituar të ketë thënë:
“Rrugëtimi ynë i përbashkët nuk është kryer ende sepse duam të arrijmë diçka të mirë bashkërisht.”
Kjo deklaratë vjen si sinjal i qartë për përkushtimin e trajnerit gjerman ndaj projektit me Kosovën, në një kohë kur kombëtarja po përgatitet për sfida të rëndësishme drejt kualifikimeve në Kampionatin Botëror.
Kosova i nis kualifikimet për Botëror në shtator, teksa gjendet në grup me Zvicrën, Suedinë dhe Slloveninë.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
