Policia e Kosovës ka bërë të ditur se ka arrestuar A.P., i cili dyshohet ta ketë vjedhur çantën viktimës A.K., në të cilën ndodheshin pesë mijë euro. Vjedhja dyshohet të ketë ndodhur në sheshin “Shatërvan” në Prizren në orët e para të mëngjesit të së martës.

Policia përmes njoftimit thotë se të dyshuarin për vjedhje ka arritur ta kapë brenda natës, përreth orës 04:00 në një lokal nate, shkruan Insajderi.

“Pas aktivizimit të njësive policore, rreth orës 04:00, patrulla ka arritur ta lokalizojë dhe ta arrestojë të dyshuarin në një lokal nate. Gjatë kontrollit, te i dyshuari janë gjetur dhe sekuestruar përkohësisht 2540 euro – mjete që dyshohen të jenë të vjedhura”, thuhet në njoftimin e PK’së.

“Në momentin e arrestimit, i dyshuari ka qenë nën ndikimin e alkoolit. Ai është marrë në pyetje mëngjesin e së njëjtës ditë, në prani të avokatit mbrojtës, dhe ka pranuar kryerjen e veprës penale të vjedhjes”, vijon njoftimi.

Ndaj të dyshuarit është caktuar masa e ndalimit prej 48-orësh. /Insajderi.org/

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!