Ish-kryetari i Gjykatës Kushtetuese, Enver Hasani, ka komentuar aktgjykimin e fundit të Kushtetueses që ndërlidhet me krizën për konstituimin e Kuvendit të Kosovës, duke thënë se ai orienton qartë se procesi duhet të vazhdojë pa votim të fshehtë.

Hasani tha se Gjykata e ka bazuar qëndrimin e saj në tri elemente kryesore: Kushtetutën, Rregulloren e Punës së Kuvendit dhe praktikat e deritanishme parlamentare.

Ai tha se, deri më sot, nuk ka ekzistuar precedent për votim të fshehtë gjatë zgjedhjes së Kryetarit dhe nënkryetarëve të Kuvendit.

“Gjykata Kushtetuese e ka bërë të qartë se konstituimi i Kuvendit bëhet sipas Kushtetutës, praktikave të deritashme dhe Rregullores së Kuvendit. Deri tash nuk ka pasur votim të fshehtë, dhe rrjedhimisht Kushtetuesja ka bërë të qartë se duhet të shkohet përpara me procedura siç kanë qenë – jo me votim të fshehtë”, u shpreh Hasani në RTVDukagjini, përcjell Insajderi.

Aktgjykimi, sipas tij, synon të qartësojë rrugën institucionale dhe të lehtësojë tejkalimin e ngërçit, duke riafirmuar që Kuvendi duhet të përmbyllë konstituimin brenda afatit 30-ditor të përcaktuar në Kushtetutë.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!