Analizat toksikologjike të 27-vjeçarit Agon Zejnullahu, i cili dyshohet se vdiq si pasojë e ndërhyrjes së pakujdesshme nga zyrtarët policorë në Lipjan, nuk do të kryhen në Kosovë. Gazeta Insajderi ekskluzivisht raportoi se Laboratori i Toksikologjisë në Institutin e Mjekësisë Ligjore është jashtë funksionit për shkak të dëmtimeve të rënda të shkaktuara nga zjarret që kapluan objektin.

E nga IML e kanë konfirmuar raportimin e Insajderit, duke njoftuar se Laboratori i Toksikologjisë në këtë institucion është jashtë funksionit për shkak të procesit të renovimit në te gjitha hapësirat e brendshme të objektit të IML-së, përfshirë dhe hapësirën e laboratoreve.

Në një njoftim të lëshuar për media sot thuhet se menjëherë pas përfundimit të këtij procesi në shtator, do të bëhet servisimi dhe kalibrimi i pajisjeve dhe aparaturave laboratorike, në mënyrë që të sigurohet analizimi i mostrave sipas standardeve të kërkuara.

‘Duke marrë parasysh natyrën jashtëzakonisht të ndjeshme të pajisjeve, si dhe kompleksitetin teknik të sistemit të gazrave i cili përdoret në këtë laborator, zhvendosja e tyre në një hapësirë ​​tjetër gjatë kësaj periudhe ka qenë e pamundur”.

“Gjithsesi, gjatë kësaj periudhe kohore të mosfunksionimit të laboratorit, me urdhëresë të prokurorëve përkatës, një numër i caktuar i mostrave janë dërguar dhe do të dërgohen për analizim toksikologjik në vendet e rajonit dhe Evropës”, thuhet në njoftim.

IML-ja shtoi se kjo deklaratë erdhi sot pas një mori pyetjesh që morën për funksionimin e Laboratorit të Toksikologjisë, pasi u raportua sot gjatë ditës se rasti i Agon Zejnullahut është dëguar për në shtetet e BE-së. 

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!