Pas akuzave publike se nuk kishte ofruar ndihmë për 27-vjeçarin Agon Zejnullahu, i cili vdiq pas ndërhyrjes së policisë në Lipjan, një video e re ka dalë në pah.

Në pamjet, mjekja shihet brenda autoambulancës duke tentuar t’i japë ndihmën e parë të riut dhe ta rikthejë në jetë.

Ndërkohë, Oda e Mjekëve të Kosovës ka nisur hetime ndaj mjekes në rastin e Agon Zejnullahut, i cili vdiq gjatë arrestimit nga Policia e Kosovës në Lipjan.

Oda e Mjekëve të Kosovës përmes organeve të saj ndjekëse, ka nisur hetimet për dyshimet për mos dhënie të ndihmës së parë nga mjekja e ekipes së Urgjencës së komunës së Lipjanit në rastin e Agon Zejnullahut, shkruan Insajderi.

Insajderi ka mësuar se tashmë është dhënë autorizimi për Prokurorin e OMK-së që të fillojë hetimet. Hetimet do të zhvillohen për dy dyshime, për mos dhënie të ndihmës së parë si dhe për deklarime të paautorizuara.

Lajmin për Insajderin e ka konfirmuar edhe kryetari i OMK-së Dr. Pleurat Sejdiu. Ai ka thënë se rasti është analizuar sot nga organet e Odës dhe është vendosur që të iniciohen të gjitha masat sipas Ligjit dhe kompetencave që i ka kjo organizatë.

Agon Zejnullahut vdiq në orët e para të datës 7 korrik. Ai ndërroi jetë gjatë arrestimit nga Policia e Kosovës.

Ndaj pesë policëve të dyshuar, gjatë të mërkurës iu është caktuar masa e paraburgimit prej 1 muaj. /Insajderi

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!