Adem Mustafiq nga Tivari i Malit të Zi është qytetari i pestë i këtij shteti që është vrarë në Siri, duke luftuar në anën e grupit militant Shteti Islamik (IS).

Siç raportojnë mediat malazeze, Mustafiq ka kaluar pothuajse një vit në fushën e betejës në Siri dhe ka qenë njëri nga njerëzit kryesorë për rekrutimin e të rinjve nga hapësira e Malit të Zi.

Autoritetet malazeze nuk kanë shifra të sakta se sa qytetarë të këtij vendi luftojnë në anën e Shtetit Islamik.

Vlerësimet jozyrtare sillen nga disa dhjetëra në disa qindra.

Vitin e kaluar, Parlamenti i Malit të Zi ka miratuar ndryshimet në Kodin Penal, me të cilat parashihet dënim me burgim nga dy deri në dhjetë vjet për të gjithë ata që, në kundërshtim me të drejtën ndërkombëtare, rekrutojnë ose përgatisin individë ose grupe për të marrë pjesë në luftërat e huaja.(rel)

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur