Prokuroria Themelore në Ferizaj, Departamenti për Krime të Rënda, ka ngritur aktakuzë ndaj dy personave për veprën penale “Vrasje e rëndë”, lidhur me ngjarjen tragjike që ndodhi më 16 gusht 2024, gjatë një dasme në fshatin Bibaj të Ferizajt, shkruan Insajderi.

Të pandehurit Festim Ramadani dhe Jeton Misini nga Ferizaj, sipas Prokurorisë, dyshohen se kanë marrë pjesë në vrasjen e Sadri Sadriut, xhaxhai i Pridon Sadriut, në oborrin e restaurantit “Fron Palace”, në momentin kur po zhvillohej një ceremoni martesore, e cila po ndiqej nga dhjetëra persona, përfshirë të mitur.

Sipas aktakuzës, Festim Ramadani ka shtënë me breshëri plumbash në drejtim të viktimës me një armë automatike zyrtare të Policisë së Kosovës, të cilën e kishte në posedim. Akti dyshohet se është kryer me qëllim hakmarrjeje për motive familjare të pabazuara juridikisht.

Në të njëjtën kohë, i pandehuri J.M. dyshohet se ka ndihmuar në këtë krim.

“Kurse, i pandehuri J.M., më 16 gusht 2024, rreth orës 19:21, në fshatin Bibaj, komuna Ferizaj, në parkingun e oborrit të restaurantit “Fron Palace”, gjatë një ceremonie martesore me dashje ka ndihmuar të pandehurin F.R., në privimin nga jeta të viktimës S.S., ashtu që i pajisur me mjet të forte- sqepar, ka mbrojtur perimetrin e sulmit dhe ka parandaluar çdo ndërhyrje, në mënyrë që i pandehuri F,R., të realizonte pa pengesë veprën penale të vrasjes së rëndë, me këtë veprim në ndihmë kreu veprën penale “Vrasje e rëndë” nga neni 173 paragrafi 1 nën paragrafi 1.8 dhe 1.11, lidhur me nenin 33 të KPRK-së”, thuhet në njoftimin e prokurorisë.

Prokuroria ka propozuar që pas administrimit të provave dhe përfundimit të shqyrtimit gjyqësor, të dy të pandehurit të shpallen fajtorë dhe të dënohen në përputhje me ligjin.

Lexo edhe:

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!