Analisti politik, Blerim Latifi, ka reaguar pas lajmit për humbjen e jetës së dy punëtorëve të ndërtimit në Gjakovë mëngjesin e së hënës.

Latifi me anë të një shkrimi në ‘Facebook’ ka deklaruar se industria e ndërtimit në Kosovë “është ndër më vdekjeprurëset”. Pos tjerash, ai ka kritikuar Qeverinë Kurti, me bindje politike të majtë, e cila sipas Latifit s’bën më shumë sesa një protestë që harrohet shpejt, shkruan Insajderi.

“Edhe dy punëtorë ndërtimi kanë humbur jetën sot. Industria e ndërtimit në Kosovë është ndër më vdekjeprurëset. Shkaku është krejt i qartë: kushtet e punës në këtë industri janë si ato të kapitalizmit të egër të shekullit XIX. Shto kësaj edhe faktin se pagat e këtyre punëtorëve janë kryesisht të mjerueshme. Vdekjet që ndodhin vazhdimisht përfundojnë si lajme ditore, të paketuara me sentimentalizma në rrjetet sociale”, ka thënë Latifi.

“Qeveria, që i thotë vetes e majtë, nuk bën asgjë më shumë përtej një proteste ditore që harrohet shpejt. Edhe partitë tjera po ashtu. Sindikatat janë praktikisht të vdekura. Ndërkohë, të ashtuquajturat “grupe me ide të majta”, në vend që të protestojnë për këta njerëz të shkretë që përditë plandosen të vdekur nga skelet e ndërtesave, merren me shkrime parullash për Palestinën, nëpër muret dhe rrugët e Kosovës. Budallenj dhe hipokritë“, përfundon ai. /Insajderi.org/

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!