Policia në Gjilan ka njoftuar se sot është arrestuar një person që dyshohet se ka shtënë me armë zjarri gjatë një ahengu familjar.
Atij i është konfiskuar një pistoletë dhe një karikator i zbrazët.
Ai është liruar në procedurë të rregullt.
Njoftimi i plotë:
Arrestohet i dyshuari për gjuajtje me armë zjarri në aheng familjar
Gjilan, 21 korrik 2025
Drejtoria Rajonale e Policisë Gjilan, Stacioni Policor Gjilan me datën 21.07.2025 përmes rrugëve operative ka pranuar informacion se me datë 20.07.2025 ka pas të shtëna me armë zjarri në një lagje të qytetit të Gjilanit.
Njësitet policore kanë arritur që të lokalizojnë vendin e ngjarjes ku kanë takuar të dyshuarin Ç.S. (viti i lindjes 2001, mashkull kosovar) i cilët dyshohet se gjatë një ahengu familjar (dasmë) ka shtënë me armë zjarri.
Nga i dyshuari në këtë rast janë konfiskuar një (1) armë pistoletë e llojit ZORKI e kalibrit 9mm dhe një karikator i zbrazët. I dyshuari është arrestuar dhe shoqëruar në stacionin Policor Gjilan ku është intervistuar në prani të avokatit mbrojtës.
Me urdhër të Prokurorit të Shteti rasti cilësohet ,,Mbajtja në pronësi, kontroll ose posedim të paautorizuar të armëve’’ .
Me këtë rast Drejtoria rajonale e Policisë Gjilan me që jemi në sezonin kur jemi të bashkuar për të ndarë kohë të mirë dhe gëzime familjare, u bënë apel të gjithë qytetarëve për mos përdorim të armëve gjatë këtyre evenimenteve. Në të shkuarën ka pasur raste kur përdorimi i armëve në këso raste ka sjellë pasoja tragjike.
Ne duhet të marrim përgjegjësinë tonë për të mbajtur një mjedis të sigurt dhe paqësor për të gjithë, andaj ,,Festoni me zemër, jo me armë’’.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
