Policia e Trafikut në Ferizaj ka ndëshkuar dy shoferë për tejkalim të shpejtësisë në dy raste të veçanta brenda 24 orëve të fundit.

Më 24 korrik, rreth orës 02:00, në rrugën “Rexhep Bislimi” në Ferizaj, njësia policore ndaloi një veturë të tipit ‘Mercedes’ me targa të huaja. Gjatë kontrollit, u konstatua se shoferi A.I. (34 vjeç) po udhëtonte me 83 km/h në një zonë me kufizim prej 40 km/h. Shpejtësia u mat me radarin laserik.

Si pasojë, shoferit iu shqiptuan këto masa: Gjobë prej 200 euro, ndalim i drejtimit të automjetit për 3 muaj dhe përjashtim i menjëhershëm nga trafiku.

Ndërkohë, më 25 korrik rreth orës 00:30, në rrugën “Brahim Ademi”, u ndalua një veturë ‘BMW’ me targa vendore. Shoferi E.R. (23 vjeç) po drejtonte me 100 km/h në një zonë ku lejohet maksimumi 50 km/h. Shpejtësia u mat me veturën inteligjente të policisë.

Ndaj tij u morën këto masa ndëshkuese: Gjobë prej 300 euro, 3 pikë negative në patentë, ndalim i drejtimit të automjetit për 6 muaj dhe përjashtim nga trafiku.

Policia Rajonale e Ferizajt ka paralajmëruar se do të vazhdojë me kontrolle të intensifikuara për të garantuar sigurinë në rrugë dhe respektimin e ligjeve të trafikut.

Qytetarët ftohen që të bashkëpunojnë me policinë dhe të raportojnë çdo shkelje apo rrezik përmes kanaleve zyrtare.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!