Ministrja në detyrë e Drejtësisë, Albulena Haxhiu, iu është sulur ish-diplomatit holandez që shërbeu në Kosovë, Robert Bosch, për përkrahjen e protestës kundër Gjykatës Speciale.

Haxhiu me anë të një shkrimi në ‘Facebook’ ka thënë se Bosch me vonesë po e kundërshton Gjykatën Speciale. Ajo ka kujtuar një ballafaqim me të më herët lidhur me këtë çështje, shkruan Insajderi.

“Më kujtohet sikur sot, kur në shenjë proteste unë kisha refuzuar të lexojë në foltoren e Kuvendit, rekomandimin e Komisionit për Legjislacion që ishte në favor të themelimit të Gjykatës Speciale (sepse isha mbivotuar nga mazhoranca e asaj kohe), ky kishte kërkuar publikisht dorëheqjen time për atë veprim politik në foltoren e Kuvendit. Madje kemi pasur edhe një ballafaqim në një nga hapësirat e Kuvendit, i cili ishte bërë publik”.

“Shumë mirë, por me vonesë!”, ka përmbyllur shkrimin Haxhiu.

Deri më tani, akterë të pushtetit s’e kanë thënë ndonjë fjalë për protestën masive që pritet të bëhet për të kundërshtuar padrejtësitë e Gjykatës Speciale në Hagë. /Insajderi.org/

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!