Abdyl Çerkezi, familjar i viktimës M.Ç. që ia mori jetën vetës në Obiliq, ka fajësuar Klinikën e Psikiatrisë për neglizhencë pasi që viktima po trajtohej për çrregullim mendor.

Çerkezi në një prononcim për Gazetën Insajderi ka thënë se më 16 gusht (e shtunë) e kishte dërguar xhaxhain e tij në gjendje të rënduar psikike.

Tutje, ai tha se psikiatrja që e kishte kontrolluar s’e kishte shtrirë në spital, duke thënë se vikendeve trajtojnë vetëm rastet urgjente.

Gazeta Insajderi iu është drejtuar me pyetje Klinikës së Psikiatrisë, mirëpo deri në momentin e publikimit të artikullit s’ka marrë ndonjë përgjigje.

Rastin tragjik ka konfirmuar edhe Policia e Kosovës. Zëdhënësja e Policisë për rajonin e Prishtinës, Flora Ahmeti, ka thënë se rasti po trajtohet si “hetim mbi vdekjen”.

“Sot në stacionin policor të Obiliqit është iniciuar një rast ‘Hetim mbi vdekjen’. Viktima mashkull, 46-vjeç, është gjetur pa shenja jete dhe vdekjen e tij e ka konstatuar ekipi mjekësor në vendin e ngjarjes”, bëri të ditur Ahmeti. /Insajderi.org/

IN Promo Marketing

Kompleksi “MALI” në Vushtrri – Investim i sigurt dhe zgjedhja e duhur

Meridian Express feston 13 vite me shpërblime, çmime të lira dhe risi për klientët besnikë!

Udhëto drejt Evropës me çmimet më të lira në treg – EphesusTravel hap sezonin e ri për udhëtime, akomodim dhe...