Kryetari i Lëvizjes Vetëvendosje tashmë e vetme në kampin opozitar, Visar Ymeri ka treguar se zyrtarisht tashmë rrugët e tri partive që kanë bashkërenduar veprimet së bashku si opozitë, janë ndarë.

Por sipas tij kjo ndarje e rrugëve ka nisur qysh moti.

“Shkuarja e Haradinajt tek Presidentja ka qenë njëri prej momenteve që e ka  dëmtuar kauzën e kundërshtimit dhe rezistencës”, ka thënë Ymeri, në emisionin “Argument Plus” në televizionin 21.

Sipas Ymerit vendimi që Haradinajt për të shkuar tek presidentja ka hapur zyrtarisht rrugën për ndarjen e opozitës.

E Haradinaj kishte thënë se po shkonte në takim për të përfaqësuar opozitën.

“I jam përgjigjur pozitivisht takimit të Presidentes në mënyrë që prezantoj qëndrimin tonë, tashmë të bërë publik e të palëkundur se si të dalë vendi nga kriza institucionale politike”, kishte shkruar Haradinaj, teksa kishte treguar gjashtë arsyet përse kishte shkuar në atë takim.

E sipas Ymerit, ky vendim dhe të tjera që janë ndërrmarrë një anshëm nga AAK-ja e kanë “dëmtuar kauzën e përbashkët”.

Në të njëjtin emision, Ymeri ka ripërsëritur faktin se VV-ja nuk do të marrë pjesë në protestën e thirrur nga AAK-ja.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur