Travis Kelce, një nga lojtarët më të mëdhenj në historinë e NFL-së, është fejuar me superyllin e muzikës pop Taylor Swift.

Çifti, që prej dy vitesh janë në një lidhje, ndanë lajmin e gëzueshëm dje përmes një postimi të përbashkët në Instagram.

Në mbishkrimin e fotografisë, ata kanë shkruar: “Mësuesja juaj e anglishtes dhe mësuesi juaj i edukimit fizik po martohen”

Por, kush është Travis Kelce?

I lindur në vitin 1989 në Westlake, Ohio, Kelce nisi karrierën e tij profesionale në vitin 2013, pasi u përzgjodh në raundin e tretë të draftit nga Kansas City Chiefs.

Me kalimin e viteve, është shndërruar në një nga lojtarët më të rëndësishëm të ekipit, duke u vendosur si një nga më dominuesit të historisë së NFL-së.

Në sezonin 2022, ai hyri në histori si ‘tight end’ i pestë që arrin shifrën e 10,000 jardëve në pritje gjatë karrierës.

Aktualisht, Kelce po përgatitet për sezonin e tij të 13-të dhe, sipas burimeve pranë tij, mund të tërhiqet nga sporti pas vitit 2026.

Jeta jashtë fushës

Përveç futbollit, Kelce është i njohur edhe për aktivitetet në industrinë e argëtimit.

Ai ka moderuar reality shoun “Catching Kelce”, është shfaqur në programe të njohura si “Saturday Night Live” dhe së bashku me vëllain e tij Jason, drejton podcast-in e suksesshëm “New Heights”.

Në një prej episodeve të këtij podcast-i, u ftua edhe Taylor Swift, e cila prej kohësh shihej shpesh në tribunat e stadiumeve duke mbështetur partnerin e saj.

Nga ana tjetër, Kelce ka ndjekur koncertet e turneut botëror të këngëtares dhe madje është ngjitur në skenë gjatë njërit prej tyre.

Një histori dashurie në qendër të vëmendjes

Fejesa e Kelce dhe Swift ka ngjallur entuziazëm tek fansat, duke u parë si një nga lidhjet më të bujshme mes botës së sportit dhe muzikës.

Me një karrierë të suksesshme sportive nga njëra anë dhe një ikonë të muzikës pop nga ana tjetër, dyshja pritet të mbetet gjatë në qendër të vëmendjes mediatike.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!