Pas projektit të dy urave mbi lumin Ibër me vlerë 3 milionë euro, kompania EUROKOS Holding Sh.p.k. ka siguruar një tjetër kontratë nga Qeveria. Ministria e Infrastrukturës i ka dhënë sot tenderin prej afro gjysmë milioni euro për ndërtimin e rrugës që lidh Urën e Re me rrugën kryesore në Mitrovicë Veri–Jug. Edhe kjo kontratë është dhënë përmes procedurës së negociuar.

Gazeta Insajderi

Ministria e Infrastrukturës ka njoftuar sot (04.09.2025), se ka dhënë kontratën për ndërtimin e rrugës që lidh urën e re me rrugën kryesore në Mitrovicë Veri-Jug.

Kontrata iu dha kompanisë EUROKOS Holding Sh.p.k., me një vlerë prej 479,999.86 euro.

Procedura e prokurimit është zhvilluar me negocim pa publikim të njoftimit për kontratë

Sipas dosjes së tenderit, punimet do të kryhen mbi bazën e projektit të porositur dhe të pranuar nga Komuna e Mitrovicës Veriore.

Projekti përfshin ndërtimin e rrugës nga Ura e Re deri te lidhja me rrugën “Çlirimi” në Mitrovicën Veriore.

“Projekti për ndërtimin e rrugës nga Ura e re deri te lidhja me rugën Çlirimi në Mitrovicën Veriore , është hartuar nga kompania projektuese “Smart Line”-Prishtinë . • Sigurimi i kualitetit të materialeve dhe cilësisë së punimeve Testimet e materialëve dhe cilësisë së punimeve nga betoni duhet të bëhen , bazuar në Normat Europiane (EUROCOD) AASHTO dhe CNR dhe përshkrimeve të punëve me kushtet teknike të dhëna në projektin Ndërtimi i rrugës nga Ura e re deri te lidhja me rrugën Çlirimi në Mitrovicën Veriore“, thuhet në dosje.

Ministria e Infrastrukturës theksoi se kontrata nuk parashikon nënkontraktim.

EUROKOS Holding Sh.p.k fitoi edhe tenderin prej 3 milionë euro për ndërtimin e dy urave mbi lumin Ibër

Më 1 korrik 2025, Qeveria e Kosovës nënshkroi kontratën për ndërtimin e dy urave mbi lumin Ibër.

Kjo kontratë po ashtu ishte dhënë në formë të negociuar, vlera e secilës është 3 milionë euro.

Ndërsa, kompania që u shpërblye është kompania e njëjtë “EUROKOS HOLDING” SH.P.K.

Ura e re mbi lumin Ibër në Mitrovicë në Mitrovicë është hapur për qarkullim para një jave.

Ndërkohë, kujotjmë se Prokuroria Speciale e Kosovës ka nisur hetimin për 2 mijë kontrata që janë tenderë të negociuar (një burimor).

Hetimi përfshin edhe tenderin e dhënë në ndërtimin e dy urave mbi Lumin Ibër./insajderi.org/

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!