Federata e Futbollit e Suedisë e ka cilësuar si të merituar fitoren e Kombëtares së Kosovës të hënën mbrëma në Prishtinë.

Dardanët morën një fitore të madhe dje (e hënë) në stadiumin Fadil Vokrri, duke mposhtur Suedinë me rezultat 2-0, falë golave të Elvis Rexhbecajt dhe Vedat Muriqit.

Kjo fitore e Kosovës u vlerësua edhe nga vetë Federata e Futbollit të Suedisë, e cila e cilësoi humbjen e tyre si “një grusht në stomak”.

“Nëse humbja e pikëve në Lubjanë kundër Sllovenisë u duk e hidhur gjatë ndeshjes hapëse të kualifikueseve të Kupës së Botës të premten, humbja ndaj Kosovës në Prishtinë të hënën u duk si një grusht në stomak për të gjithë të përfshirët”.

“Kosova ndoqi planin e saj të lojës në mënyrë të përsosur dhe kundërsulmoi Suedinë, e cila pati vështirësi në krijimin e rasteve për shënim në humbjen 2-0”, ka shkruar Federata e Futbollit të Suedisë në raportin e saj.

Ndryshe, edhe reagimet e trajnerit John Dahl Tomasson dhe Alexander Isak ishin po të njëjta me ata të Federatës së Futbollit të Suedisë, pasi e cilësuan fitoren e Kosovës si të merituar. 

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!