Prokuroria Themelore në Mitrovicë, në bashkëpunim me Policinë e Kosovës, ka realizuar një operacion policor në tri lokacione në komunën e Vushtrrisë, gjatë të cilit janë arrestuar katër persona, shkruan Insajderi.
Sipas komunikatës së përbashkët, tre nga të arrestuarit dyshohen për veprën penale “Detyrim”, ndërsa një tjetër ishte në arrati dhe kërkohej për veprat penale “Lëndim i lehtë trupor” dhe “Arratisja e personave të privuar nga liria”.
Operacioni është zhvilluar në dy lokacione në fshatin Ropicë dhe një në qytetin e Vushtrrisë. Me vendim të prokurorit, të dyshuarit janë ndaluar për 48 orë, ndërsa operacioni vazhdon.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
