Topi i Artë 2025 shkoi për sulmuesin e Paris Saint-Germainit, Ousmane Dembelen, edhe pse pati pakënaqësi, mbi të gjitha nga babai i Lamine Yamalit, Mounir Nasraoui.

35 gola e 16 asistime në të gjitha garat janë fakte të padiskutueshme për sezonin fantastik që e kaloi ylli francez.

Karriera e tij u përshkua me ulje dhe ngritje, ndërsa Olivier Giroud e pranon se nuk e priste një arritje të tillë të ish-futbollistit të Borussia Dortmundit dhe Barcelonës.

Duke folur për “L’Equipe”, ish-sulmuesi i Chelseat, Arsenalit e Milanit e pranoi se në kohët kur luante në Kombëtare bashkë, nuk e kishte imagjinuar një arritje aq të madhe të Dembeles.

“Nëse do ta shihja atë si një fitues potencial të Topit të Artë? Është e vështirë ta them, por kur e shihja çdo ditë në Kombëtaren franceze, jo, nuk e shihja të mundur domosdoshmërisht këtë, si një mundësi për ta fituar Topin e Artë”, deklaroi fillimisht sulmuesi i Lillet.

“Për ta fituar Topin e Artë, duhet ta kesh talentin, por edhe një sezon të mirë. Ai e ka talentin, por i është dashur ta kishte sezonin e mirë, në klubin e duhur, ndërsa ka fituar gjithçka. Topi i Artë varet gjithmonë edhe nga sukseset kolektive”, përfundoi Giroud.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!