Kandidati për kryetar të Prishtinës, Uran Ismaili, ka vazhduar sot turin e prezantimit të zgjidhjeve nëpër lagje, duke u ndalur në Lagjen e Muhaxherëve. Tubimi i sotëm mblodhi shumë qytetarë të kësaj lagjeje, ku u shpalosën projektet konkrete për përmirësimin dhe rigjallërimin e saj.

Në fjalën e tij, Ismaili tha se po garon me një ekip të kompletuar, profesionistësh të përkushtuar që e shohin Prishtinën përtej interesave politike. Ai theksoi se ky vizion i përbashkët për një kryeqytet funksional dhe dinjitetshëm është forca që i ka bashkuar për të nxjerrë Prishtinën nga kaosi ku ndodhet sot. “Prishtina ështe e para, le të punojmë pa interesa politike” shtoi Ismaili.

Për Muhaxherët, ai u zotua për ndërhyrje konkrete që synojnë ta kthejnë lagjen në një hapësirë të sigurt dhe të gjallë, duke përfshirë ndërtimin dhe lirimin e trotuareve për ecje të lirë, investime në infrastrukturë për lidhjen me Parkun e Qytetit dhe zonat qendrore, rregullimin e rrugëve të dëmtuara dhe krijimin e hapësirave të reja për parkingje, ndriçim publik në çdo rrugë dhe kënd, si dhe pastërti 24/7 me kontejnerë të rinj dhe ekipe të dedikuara për mirëmbajtje.

Projektet identifikuese të Ismailit për Lagjen e Muhaxherëve janë:

Ndërtimi i një çerdheje të re publike;

Terren i ri sportiv për komunitetin;

Rifunksionalizimi i klubit të futbollit “Besëlidhja”;

Rehabilitimi dhe revitalizimi i Parkut të Qytetit;

Revitalizimi i parkut dhe amfiteatrit pranë Varrezave të Dëshmorëve.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!