Ndërtimi i Spitalit të Prishtinës, njëri nga 10 vendimet e para të Uran Ismailit si kryetar (VIDEO)Kandidati për kryetar të Prishtinës, Uran Ismaili, sot në një konferencë për media ka prezantuar 10 vendimet e menjëhershme që do të marrë si kryetar i ardhshëm i kryeqytetit, ku një nga prioritet e tij është edhe ndërtimi  i Spitalit të Prishtinës.

Ismaili theksoi se ky projekt është urgjent dhe jetik për qytetarët e Prishtinës, të cilët prej dekadash kanë mbetur pa spital të vetin. “Prishtina nuk ka kohë për eksperimente, për kaos e bllokada që ia vështirësojnë jetën qytetarëve. Nuk ka kohë për plane 10-vjeçare e projekte futuristike. Ka ardhur koha që qytetarët e Prishtinës të marrin trajtimin e merituar në qytetin e tyre,” tha ai.

Ndërtimi i Spitalit të Prishtinës, sipas Ismailit, nuk është një ide e re: plani për këtë projekt është përgatitur që nga koha kur ai drejtonte Ministrinë e Shëndetësisë. Sot, ai e quajti këtë zotim si një ndër hapat e parë të pandalshëm në rast se zgjidhet kryetar i kryqytetit.

Përveç spitalit, Ismaili ka prezantuar edhe 10 vendimet e para që do të ndërmarrë si kryetar:

• Hapja e Sheshit “Xhorxh Bush” në javën e parë;
  
• Pezullimi i lejeve të reja ndërtimore për 6 muajt e parë;
  
• Fillimi i procedurave për krijimin e Qendrës Dixhitale të Menaxhimit të Trafikut;
  
• Fillimi i procedurave për blerjen e 60 kamionëve të rinj për mbledhjen e mbeturinave;
  
• Krijimi i taskforcës për ndriçimin e 1,000 rrugëve të Prishtinës;
  
• Fillimi i procesit për ndërtimin e një strehimoreje të re për trajtimin e qenve endacakë;
  
• Fillimi i procedurave për vendosjen e 200 oficerëve të sigurisë në shkolla;
  
• Nënshkrimi i vendimit ekzekutiv për lirimin e trotuareve të bllokuara;
  
• Krijimi i taskforcës për ndërtimin e Spitalit të Prishtinës;
  
• Nënshkrimi i vendimit ekzekutiv për dyfishimin e subvencioneve për fermerë dhe agrobiznese.
  

Në fund të konferencës, Ismaili ka bërë nënshkrimin formal të këtyre zotimeve, duke e quajtur 13 tetorin momentin e nisjes së një epoke të re për Prishtinën.

IN Promo Marketing

Pijet Tona, Shija Juaj!

Udhëto nga Baseli drejt Prishtinës, përfitoni nga ofertat speciale!

Suksesi i radhës për ‘R & Rukolli Group’: Pijet e reja depërtojnë në tregun gjerman