Kryetari i Prizrenit, Shaqir Totaj, ka prezantuar projektin më të madh në historinë e qytetit – transformimin e Bazhdarhanës dhe lagjeve përreth – që do ta shndërrojë këtë zonë në një qendër moderne për qytetarët.
“Një epokë e re për Prizrenin po nis. Projekti i transformimit të Bazhdarhanës është investimi më i madh në historinë e qytetit tonë dhe do ta kthejë këtë zonë në zemër moderne të Prizrenit” – tha Kryetari Totaj.
Ai shtoi se ky projekt do ta ndryshojë rrënjësisht hapësirën urbane përballë Qendrës Sportive “Sezai Surroi”:
“Do të ngrihet ndërtesa e re moderne e Komunës së Prizrenit, do të krijohen hapësira të gjelbra, sheshe për familjet dhe fëmijët, një auditorium me 800 ulëse, si dhe 500 vendparkime nëntokësore”.
Në përfundim, Kryetari Totaj theksoi vizionin e tij për të ardhmen:
“Ky investim do t’i japë qytetit tonë frymë të re kulturore, shoqërore e komunitare, duke hapur rrugën drejt Prizrenit modern 2025-2029″.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
