Kandidatja për asamble komunale, Njomza Vata, së bashku me kryetarin Agim Aliu, janë takuar me qytetarët në ambientet e familjeve Syla dhe Vata, në një atmosferë të ngrohtë dhe familjare.
Gjatë takimit, Vata tha se kryetari Aliu prezantoi programin qeverisës për katër vitet e ardhshme.
“Kryetari Aliu shpalosi me pasion programin e tij qeverisës për katër vitet e ardhshme, duke ndarë me qytetarët vizionin për një Ferizaj edhe më të zhvilluar, më modern dhe më të drejtë për të gjithë. Ai foli për punët e bëra me përkushtim dhe për planet që do ta çojnë përpara qytetin tonë në shëndetësi, arsim, infrastrukturë, rini, mjedis dhe bujqësi, fusha që prekin drejtpërdrejt jetën e çdo qytetari”, tha ajo.
“Së bashku me kryetarin Agim Aliu, ZOTOHEMI se do të vazhdojmë rrugën e zhvillimit, të punës dhe të rezultateve konkrete”, shkroi kandidatja.
Kandidatja Njomza Vata shprehu mbështetjen e saj për programin dhe theksoi se do të vazhdojë rrugën e zhvillimit dhe rezultateve konkrete për Ferizajn.
“Ferizaj do të mbetet model i suksesit, shembull i bashkimit dhe qytet që frymëzon gjithë rajonin e Ballkanit!“, ka shkruar ajo.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
