Kandidati për kryetar të Mitrovicës nga radhët e PDK’së, Arian Tahiri, ka zhvilluar vizita të shumta në disa lagje dhe fshatra të komunës, ku është pritur me mikpritje nga qytetarët.

Ai ka takuar familjet Prekazi në Vaganicë, Seferi në Koshtovë, Istrefi në Bair dhe Fejza në Zabërxhë, me të cilët ka zhvilluar biseda për nevojat dhe pritshmëritë e tyre.

Tahiri theksoi se synimi i tij nuk është të udhëheqë nga zyra, por të jetë përherë pranë qytetarëve.

“Unë nuk dua të udhëheq nga zyra, por përkrah qytetarëve. Do të jem aty ku është qytetari, në çdo lagje, në çdo shtëpi dhe në çdo fshat të Mitrovicës”, deklaroi ai.

Ai shtoi se përkushtimi dhe prania në terren janë thelbi i qeverisjes që ai synon të sjellë në Mitrovicë.

IN Promo Marketing

 Eksperienca e blerjeve online arrin në Slloveni!

Rezervo sot dhe shijo fluturimet më të volitshme nga Gjeneva drejt Prishtinës

Furnizohu sot, dhuro shpresë nesër