Një incident fizik ka ndodhur pasditen e sotme në hyrje të objektit të Komunës së Gjakovës, ku janë përfshirë nënkryetari i komunës, Flamur Fetahaj, dhe përfaqësuesi i PDK-së në Komisionin Komunal Zgjedhor (KKZ), Berat Hadri.
Sipas informacioneve të Gazetës Sinjali, përleshja ka ndodhur rreth orës 15:40 në ambientet e jashtme të komunës. Fillimisht është zhvilluar një debat verbal ndërmjet dy zyrtarëve, i cili më pas ka degjeneruar në goditje fizike.
Burimet bëjnë të ditur se incidenti ka ndodhur në prani të disa personave të tjerë që ndodheshin në ndërtesë në atë moment.
Ende nuk dihen shkaqet e plota që kanë çuar në përplasjen mes Fetahajt dhe Hadrit.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
