Kandidatja e Partisë Demokratike të Kosovës (PDK) për Kuvendin Komunal të Gjilanit, Mrika Krasniqi Shala, ka bërë thirrje për mbështetje nga banorët e lagjeve “Reshat Ymeri” (7 Korriku), “Abdullah Preshava” dhe “Dheu i Bardhë”.

Në një mesazh drejtuar qytetarëve, ajo ka kërkuar që në këto zgjedhje t’u jepet besimi atyre që me të vërtetë e ndjejnë përgjegjësinë për komunitetin dhe jo atyre që, sipas saj, për katër vite me radhë nuk kanë dëgjuar zërin e banorëve.

“Mos i votoni ata që për 4 vite rresht nuk e kanë dëgjuar zërin tuaj, që e kanë harruar lagjen tuaj dhe që nuk kanë sjellë asnjë investim real në infrastrukturë, punësim apo në çështjet që prekin jetën e përditshme të qytetarëve tanë”, ka thënë Krasniqi Shala.

Ajo ka theksuar se vizioni i saj është ngritja e zërit të qytetarëve të anashkaluar dhe kthimi i dinjitetit në vendimmarrje lokale.

“Së bashku mund ta ngremë zërin e qytetarëve të anashkaluar, ta kthejmë dinjitetin dhe të sjellim zhvillim e mundësi për të gjithë,” ka shtuar ajo.

Mrika Krasniqi Shala garon me numrin 6 në listën e PDK-së (nr. 191) në zgjedhjet komunale në Gjilan.

IN Promo Marketing

Meridian Express feston 13 vite me shpërblime, çmime të lira dhe risi për klientët besnikë!

Udhëto drejt Evropës me çmimet më të lira në treg – EphesusTravel hap sezonin e ri për udhëtime, akomodim dhe...

Frostea prezanton pamjen e re – e njëjta shije e mrekullueshme që e do!