Kandidati për kryetar të Gjilanit nga radhët e Lëvizjes Vetëvendosje, Alban Hyseni, ka deklaruar me bindje të plotë se fitorja në zgjedhjet lokale të 12 tetorit do të jetë e sigurt dhe pa balotazh.

Përmes një postimi në Facebook pas një tubimi elektoral, Hyseni ka potencuar mbështetjen masive që, sipas tij, qytetarët e Gjilanit i dhanë Vetëvendosjes.

“Gjilani e konfirmoi fuqishëm fitoren e Lëvizjes VETËVENDOSJE! Sonte njëzëri e konfirmuam dhe e shprehëm bindshëm se më 12 tetor shënojmë fitoren e jashtëzakonshme me të parën dhe pa balotazh,” shkroi ai.

Hyseni shtoi se në tubimin madhështor, i cili sipas tij “vulosi drejtimin për një Gjilan më të zhvilluar dhe më të bashkuar”, mori pjesë edhe Kryeministri Albin Kurti, duke e konsideruar praninë e tij si dëshmi të angazhimit të Vetëvendosjes për komunën e Gjilanit.

“Sot e themi qartë: Nuk ka më kthim prapa! Gjilani ecën përpara – me dashuri, me punë, me vizion!”, shkroi Hyseni, i cili garon për një mandat të dytë në krye të komunës.

Zgjedhjet lokale do të mbahen këtë të diel, më 12 tetor.

IN Promo Marketing

Meridian Express feston 13 vite me shpërblime, çmime të lira dhe risi për klientët besnikë!

Udhëto drejt Evropës me çmimet më të lira në treg – EphesusTravel hap sezonin e ri për udhëtime, akomodim dhe...

Frostea prezanton pamjen e re – e njëjta shije e mrekullueshme që e do!